समाचारहरू

१४ वर्षीया बालिकालाई नरैनापुर गापा-५ मा सामूहिक बलात्कार गरेको आरोपमा इलाका प्रहरी कार्यालय भगवानपुर अन्तर्गत खटिएका म्यादी प्रहरी टेकबहादुर बिकलाई पुस ४ गते प्रहरीले गिरफ्तार गरेको छ । घटनामा संलग्न रहेको भनिएका अन्य दुई जना फरार रहेको प्रहरीले जनाएको छ ।

पुस ३ गते साँझ बलात्कार भएको भन्दै प्रहरीमा खबर गर्दा मिलाउन खोजेको स्थानीबासीहरूले आरोप लगाएका थिए । स्थनानीयले आरोपित बिकलाई नियन्त्रणमा लिएर प्रहरीको जिम्मा लगाएको स्थानीय ससीराम बुढाथोकीले बताए । विवादपछि इलाका प्रहरी कार्यालयले पुस ४ गते उजुरी दर्ता गरेको जनाएको छ ।

जिल्ला प्रहरी कार्यालयका एसपी टेकबहादुर तामाङगले पीडित बालिकाको स्वास्थ्य परीक्षणपछि सेल्टरमा राखिएको र आरोपित उपर मुलुकी ऐन 'जबरजस्ती करणी उद्योग' अन्तर्गत मुद्दा दर्ता गरिएको बताए ।

विनोद पाण्डे