समाचारहरू

मनोसामाजिक समस्या भएकी १९ वर्षीया युवतीलाई बलात्कार गरेको आरोपमा प्रहरीले खिजीदेम्बा गाउँपालिका –३ का ४५ वर्षीय पुरूषलाई भदौ १ गते गिरफ्तार गरेको छ ।

पीडितलाई आरोपितले ०७९ साउन २६ गते बलात्कार गरेको आरोपमा पीडित पक्षले आरोपितविरूद्ध भदौ १ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई अनुसन्धानका लागि खिजीदेम्वा गाउँपालिका–३ बाट गिरफ्तार गरेको जिल्ला प्रहरी कार्यालयका इन्स्पेक्टर देवेन्द्र दासले बताउनु भयो ।

आरोपित नाताभित्रको भएकाले परिचय गोप्य राखिएको प्रहरीको भनाइ छ ।

पीडितको स्वास्थ्य परीक्षण जिल्ला अस्पतालमा भदौ १ गते गरिएको छ ।

सरस्वती बानिया