बलात्कार घटनाका आरोपित गिरफ्तार

 

११ वर्षीया बालिकालाई बलात्कार गरेको आरोपमा प्रहरीले ३४ वर्षीय बाबुलाई मङ्सिर २४ गते साँझ गिरफ्तार गरेको छ ।

पीडित बालिकालाई आरोपितले पटकपटक बलात्कार गरेको र कसैलाई भने आमाछोरी दुवैलाई मारिदिने धम्की दिँदै बलात्कार गर्दै आएको र मङ्सिर २३ गते पीडितकी आमा मजदुरी गर्न गएका बेला छोरीलाई बलात्कार गर्दै गर्दा छिमेकीले देखेपछि घटना बाहिर आएको हो ।

सो घटनापछि पीडित बालिकाकी आमाले मङ्सिर २४ गते नै इलाका प्रहरी कार्यालय बुटवलमा उजुरी दिएकी थिइन् ।

पीडित बालिकाले दिएको उजुरीका आधारमा प्रहरीले मङ्सिर २४ गते नै बलात्कारसम्बन्धी मुद्दा दर्ता गरी कारबाही अगाडि बढाएको इलाका प्रहरी कार्यालय बुटवलका डिएसपी पवनकुमार भट्टराईले बताए ।

पीडित बालिकाको स्वास्थ्य परीक्षण लुम्बिनी अञ्चल अस्पताल बुटवलमा मङ्सिर २४ गते नै गरिएको प्रहरीले जनायो ।


रीमा बि.सी.