समाचारहरू

३५ वर्षीया महिलालाई बलात्कार गरेको आरोपमा प्रहरीले तिरहुत गाउँपालिका–५ लोहजराका ३० वर्षीय शम्भु मण्डललाई असार १२ गते गिरफ्तार गरेको छ ।

घटनापछि 'फरार' रहेका आरोपित घर आएको सूचनाका आधारमा खोज प्रहरीले गिरफ्तार गरेको इलाका प्रहरी कार्यालय कञ्चनरुपले जनाएको छ ।

पाँच महिनापछि घर फर्केका आरोपितले पीडितलाई पुनः बलात्कार प्रयास गरेको स्थानीयवासीले बताए ।

सप्तरी जिल्ला अदालतले आरोपितविरुद्ध ०७८ माघ २६ गते पक्राउ पुर्जी जारी गरेको थियो ।

पीडित महिलालाई आरोपितले ०७८ पुस १७ गते बलात्कार गरेको भन्दै पीडितले इलाका प्रहरी कार्यालय कञ्चनरुपमा माघ २१ गते उजुरी दिएकी थिइन् ।

पीडितको स्वास्थ्य परीक्षण माघ २१ गते गजेन्द्रनारायण सिंह अस्पताल राजविराजमा गरेर इलाका प्रहरी कार्यालय कञ्चनरुपले माघ २२ गते उजुरी दर्ता गरेको थियो ।

मनोहरकुमार पोखरेल