समाचारहरू

४० वर्षीया एक महिलालाई सामूहिक बलात्कार गरेको आरोपमा प्रहरीले भारत घर भई हनुमाननगर कङ्कालिनी नपा-३ पोर्ताहा बस्ने २८ वर्षीय सुरज साहलाई कात्तिक १७ गते गिरफ्तार गरेको छ ।

गत जेठ ५ गते बिहान साहसहित हनुमाननगर कङ्कालिनी नपा-१ भारदहका ३५ वर्षीय बमबम मुखिया, तिरहुत गापा-३ गोइठीका महेन्द्र महात्मान यादव र ३० वर्षीय एक अपरिचितले सामूहिक बलात्कार गरेको भन्दै पीडितले जिल्ला प्रहरी कार्यालयमा जेठ ५ गते नै उजुरी दिएकी थिइन् । सामूहिक बलात्कार गरेको आरोपमा जिल्ला प्रहरी कार्यालयले जेठ ७ गते आरोपितहरूविरूद्ध जबरजस्ती करणी मुद्दा दर्ता गरेको थियो ।

पीडित महिलाका अनुसार आरोपितमध्ये साह र यादवले बलात्कार गरेको र अन्यले हातगोडा समाएर सहयोग गरेका थिए ।

पीडित महिलाको स्वास्थ्य परीक्षण राजविराजस्थित गजेन्द्रनारायण सिंह सगरमाथा अञ्चल अस्पतालमा जेठ ५ गते भएको थियो । आरोपितमध्ये साह गिरफ्तार भएपनि अन्य आरोपितहरू हालसम्म फरार रहेका छन् ।

मनोहरकुमार पोखरेल