समाचारहरू

३६ वर्षीया महिलालाई बलात्कार गरेको आरोपमा सिरहा जिल्ला सिरहा नगरपालिका–८ का २९ वर्षीय मुकेशकुमार यादवलाई प्रहरीले ०७८ चैत १९ गते साँझ गिरफ्तार गरेको छ ।

सामाजिक सञ्जाल फेसबुकमा चिनजान भएका आरोपितले यादवले मन्थलीमा आएको अवस्थामा महिलालाई खाजा खान जाउँ भनि ०७८ चैत १५ गते मन्थली नगरपालिका–१ स्थित मन्थली बजारको एक होटलमा लगेर कोठामा थुनी बलात्कार गरेको पीडित पक्षको आरोप छ ।

पीडित पक्षले आरोपित विरुद्ध सोही दिन जिल्ला प्रहरी कार्यालयमा उजुरी दिएको जिल्ला प्रहरी कार्यालका प्रमुख डिएसपी राजकुमार थिङले बताउनु भयो ।

आरोपित यादवलाई हिरासतमा राखि अनुसन्धान भइरहेको पनि डिएसपी थिङले जानकारी दिनुभयो ।

पीडित महिलाको स्वास्थ्य परीक्षण ०७८ चैत १६ गते मन्थली अस्पतालमा गरियो ।

नबराज पथिक