बलात्कार घटनाका आरोपित गिरफ्तार

  ०७८ चैत २ गते

१२ वर्षीया बालिकालाई बलात्कार गरेको अभियोगमा फरार रहेका सप्तकोशी नगरपालिका९ कमलपुरका ५३  वर्षीय बेचन भनिने जगदिश यादवलाई प्रहरीले फागुन २९ गते गिरफ्तार गरेको छ ।

अभियुक्त यादव समेतले ०६८ जेठ ७ गते राति बलात्कार गरेको भन्दै परेको उजुरीमा सप्तरी जिल्ला अदालतले ०६८ चैत १ गते ६ वर्ष कैद सजाय ठहर गरी फैसला गरेको थियो ।

 तत्कालिन पुनरावेदन अदालत राजविराजले समेत ०७१ वैशाख २९ गते सोही फैसला सदर गरेको थियो ।

फरार रहेका यादवलाई खोजतलासको क्रममा इलाका प्रहरी कार्यालय कञ्चनपुर सप्तरीबाट खटेर गएको प्रहरी टोलीले उनकै घरमा फेला पारी गिरफ्तार गरेको हो ।

गिरफ्तार आरोपितलाई सप्तरी जिल्ला अदालतमा उपस्थित गराउँदा अदालतले अभियुक्तलाई कैद भुक्तानका लागि राजविराज कारागार चलान गरेको सप्तरीका डिएसपी माधवप्रसाद काफ्लले बताउनु भयो ।


मनोहरकुमार पोखरेल