बलात्कार घटनाका आरोपित गिरफ्तार

  ०७८ फागुन १५ गते

१६ वर्षीया बालिकालाई बलात्कार गरेको आरोपमा प्रहरीले दाङ जिल्ला घोराही उपमहानगरपालिका–२ घर भइ हाल काठमाडौ बस्ने ३२ वर्षीय पल शाह (पुर्ण विक्रम शाह) लाई ०७८ फागुन १५ गते गिरफ्तार गरेको छ ।

पीडितलाई आरोपितले गत वैशाख १४ गते शुक्लागण्डकी नगरपालिका– ४ दुलेगौंडा स्थित एक होटलमा बास बस्ने क्रममा बलात्कार गरेको भन्दै पीडित पक्षले आरोपितविरुद्ध जिल्ला प्रहरी कार्यालय तनहुँमा फागुन ११ गते उजुरी दिएका थिए ।

उजुरीपछि फरार रहेका आरोपितले प्रहरी समक्ष फागुन १५ गते आत्मसमर्पण गरेपछि उनलाई व्यास नगरपालिका–३ स्थित जिल्ला प्रहरी कार्यालयको परिसरबाट गिरफ्तार गरेको जिल्ला प्रहरी कार्यालय तनहुँका डिएसपी युवराज खड्काले जानकारी दिनुभयो ।

आरोपितलाई गिरफ्तार गरी जिल्ला अदालतबाट सात दिनको म्याद थप गरी घटनाको अनुसन्धान गरिरहेको उहाँले जानकारी दिनुभयो ।

पीडितको स्वास्थ्य परीक्षण फागुन ११ गते दमौली अस्पतालमा गरिएको छ ।


प्रकाशचन्द्र भटटराई