बलात्कार घटनाका आरोपित गिरफ्तार

  ०७८ फागुन १२ गते

३५ वर्षीया महिलालाई बलात्कार गरेको आरोपमा प्रहरीले संखुवासभा जिल्ला चैनपुर नगरपालिका–२ का ४० वर्षीय शिव न्यौपानेलाई फागुन १२ गते गिरफ्तार गरेको छ ।

पीडितलाई आरोपितले निर्माणाधिन डुम्रे–बेसीशहर सडक खण्डमा रहेको मजदुर क्याम्पमा फागुन ११ गते बलात्कार गरेको भन्दै पीडितले आरोपितविरुद्ध फागुन १२ गते इलाका प्रहरी कार्यालय भानुमा उजुरी दिएको इलाका प्रहरी कार्यालय भानुका इन्स्पेक्टर प्रकाश भुषालले इन्सेक प्रतिनिधिलाई जानकारी दिनुभयो ।  ।

आरोपितलाई गिरफ्तार गरी घटनाको अनुसन्धान गरिरहेको उहाँले बताउनुभयो ।

पीडितको स्वास्थ्य परीक्षण फागुन १२ गते दमौली अस्पताल गरिएको छ ।

 


प्रकाशचन्द्र भट्टराई