बलात्कार घटनाका आरोपित गिरफ्तार

 

१३ वर्षीया बालिकालाई बलात्कार गरेको आरोपमा प्रहरीले माप्यदूधकोशी गाउँपालिका–७ का १९ वर्षीय आङफुर्वा शेर्पालाई फागुन ५ गते गिरफ्तार गरेको छ ।

पीडित बालिकालाई आरोपितले ०७८ माघ २९ गते बलात्कार गरेको आरोपमा पीडित पक्षले आरोपितविरूद्ध फागुन ४ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई सोही दिन अनुसन्धानका लागि घरबाटै गिरफ्तार गरेको जिल्ला प्रहरी कार्यालयका इन्स्पेक्टर ऋषिराज ढकालले इन्सेक प्रतिनिधिसँगको फोन सम्पर्कमा बताउनु भयो ।

पीडित बालिकाको स्वास्थ्य परीक्षण जिल्ला अस्पताल फाप्लुमा फागुन ४ गते गरिएको छ ।


भोजराज कार्की