समाचारहरू

२० वर्षीया युवतीलाई बलात्कार गरेको आरोपमा प्रहरीले माप्यदूधकोशी गाउँपालिका–४ का २९ वर्षीय ज्ञानबहादुर नेपालीलाई फागुन १ गते गिरफ्तार गरेको छ ।

पीडित महिलालाई आरोपितले ०७८ माघ २९ गते बलात्कार गरेको आरोपमा पीडित पक्षले आरोपितविरूद्ध फागुन १ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई सोही दिन घरैबाट अनुसन्धानका लागि गिरफ्तार गरेको जिल्ला प्रहरी कार्यालयका इन्स्पेक्टर ऋषिराज ढकालले इन्सेक प्रतिनिधिसँगको फोन सम्पर्कमा बताउनु भयो ।

पीडितको स्वास्थ्य परीक्षण जिल्ला अस्पताल फाप्लुमा फागुन १ गते गरिएको छ ।

भोजराज कार्की