समाचारहरू

२४ वर्षीया महिलालाई एकैदिन फरक फरक समयमा बलात्कार गरेको आरोपमा प्रहरीले फागुन ८ गते शिवपुरी गाउँपालिका–७ का २४ वर्षीय राजु तामाङ र ४२ वर्षीय सुजन गुरुङलाई गिरफ्तार गरेको छ ।

आरोपितद्वयमध्ये तामाङले फागुन ७ गते दिउँसो र गुरुङले फागुन ७ गते साँझ बलात्कार गरेको भन्दै पीडित महिलाले जिल्ला प्रहरी कार्यालय नुवाकोटमा फागुन ८ गते उजुरी दर्ता गराएको इन्स्पेक्टर जनार्दन घिमिरेले जानकारी दिनुभयो ।

प्रहरीले आरोपित दुवै जनालाई उनीहरूको घरबाट नै गिरफ्तार गरेको हो ।

पीडित महिलाको स्वास्थ्य परीक्षण फागुन ८ गते त्रिशूली अस्पतालमा गरिएको छ ।

नवदीप श्रेष्ठ