समाचारहरू

राजपुर नगरपालिका–२ की १६ वर्षीया बालिकालाई अहरण गरी शरीर बन्धक बनाएर बलात्कार गरेको आरोपमा प्रहरीले राजपुर नपा–२ का ६५ वर्षीय गोनाउर मियालाई ०७८ माघ २५ गते गिरफ्तार गरेको छ ।

पीडितलाई ०७७ फागनु १४ गते सोही ठाउँका २८ वर्षीय तबरेज मिया, ६५ वर्षीया गोनाउर मिया र ३० वर्षीया प्रवेज मियाले अपहरण गरी शरीर बन्धक बनाएर सामूहिक बलात्कार गरेको आरोपमा पीडितका बाबुले जिल्ला प्रहरी कार्यालय गौरमा ०७८ म्सिर २१ गते उजुरी दिएका थिए ।

सोही दिन अहरण, शरीर बन्धक तथा जबरजस्ती करणी शीर्षकमा उजुरी दर्ता गरी आवश्यक अनुसन्धान थालिएको जिल्ला प्रहरी कार्यालयका एसपी बिनोद घिमिरेले बताउनु भयो ।

आरोपितमध्ये तबरेज मिया र प्रवेज मिया भने फरार रहेको र पीडित बालिका पनि हालसम्म सम्पर्कमा नभएकाले अनुसन्धान गरिरहेको एसपी घिमिरेले बताउनु भयो ।

कोपिला तिमल्सिना