बलात्कार घटनाका आरोपित गिरफ्तार

  ०७८ माघ १९ गते

१६ वर्षीया बालिकालाई बलात्कार गरेको आरोपमा प्रहरीले रामप्रसाद राई गाउँपालिका–३ ओख्रेका २७ वर्षीय पदम दर्जीलाई माघ १८ गते गिरफ्तार गरेको छ ।

पीडित बालिकालाई आरोपितले माघ १४ गते बलात्कार गरेको आरोपमा पीडित पक्षले आरोपितविरूद्ध माघ १६ गते जिल्ला प्रहरी कार्यालय भोजपुरमा उजुरी दिएको थियो ।

पीडित पक्षको उजुरीको आधारमा आरोपितलाई अनुसन्धानका लागि गिरफ्तार गरेको जिल्ला प्रहरी कार्यालयका डिएसपी राजकुमार राईले इन्सेक प्रतिनिधिसँगको फोन सम्पर्कमा बताउनु भयो ।

बालिकाको स्वास्थ्य परीक्षण जिल्ला अस्पतालमा माघ १६ गते गरिएको छ ।


गणेश विष्ट