बलात्कार घटनाका आरोपित गिरफ्तार

११ वर्षीया बालिकालाई बलात्कार गरेको आरोपमा प्रहरीले कैलाली जिल्लाको टिकापुर नपा–३ का ४९ वर्षीय खडकबहादुर गुरुङलाई माघ ८ गते गिरफ्तार गरेको छ ।

पीडित बालिकालाई आरोपितले माघ ७ गते बलात्कार गरेको भन्दै पीडित पक्षले सोही दिन जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका इन्स्पेक्टर स्वरुप शर्माले बताउनुभएको छ ।

पीडित बालिकाको स्वास्थ्य परीक्षण पृथ्वीचन्द्र जिल्ला अस्पतालमा माघ ७ गते गरिएको अस्पतालका डाक्टर मोहम्मद नुरुल होदाले बताउनु भएको छ ।


नारायण पराजुली