बलात्कार घटनाका आरोपित गिरफ्तार

  ०७८ पुस २६ गते

५० वर्षीया महिलालाई बलात्कार गरेको आरोपमा प्रहरीले लालीगुराँस नगरपालिका–६ सुङनाम चुहानडाँडाका १५ वर्षीय बालकलाई पुस २५ गते गिरफ्तार गरेको छ ।

पीडित महिलालाई आरोपितले पुस २४ गते बलात्कार गरेको आरोपमा पीडित पक्षले आरोपितविरूद्ध पुस २५ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरेको जिल्ला प्रहरी कार्यालयका इन्स्पेक्टर कोमल ठाकुरले इन्सेक प्रतिनिधिसँगको फोन सम्पर्कमा बताउनु भयो ।

पीडित महिलाको स्वास्थ्य परीक्षण जिल्ला अस्पतालमा पुस २५ गते गरिएको छ ।


सुरेश खत्री