समाचारहरू

१६ वर्षीया बालिकालाई बलात्कार गरेको आरोपमा प्रहरीले चौरजहारी नगरपालिका– १ लहरेसीमलका २१ वर्षीय लक्ष्मण हमाललाई ०७८ मङ्सिर २१ गते गिरफ्तार गरेको छ ।

पीडितलाई आरोपितले ०७८ वैशाख ८ गते बलात्कार गरेको भन्दै पीडित परिवारले ०७८ वैशाख २८ गते जिल्ला प्रहरी कार्यालय रूकुम पश्चिममा उजुरी दिएको थियो ।

बलात्कारपछि फरार रहेका आरोपित गिरफ्तार गरेर कारबाही अगाडी बढाएको जिल्ला प्रहरी कार्यालय रूकुम पश्चिमका डिएसपी ध्रुवकुमार श्रेष्ठले इन्सेक प्रतिनिधिलाई जानकारी दिनुभयो ।

पीडित बालिकाको स्वास्थ्य परीक्षण ०७८ असार २८ गते जिल्ला अस्पताल सल्ले रूकुम पश्चिममा गरिएको थियो ।

मनिषा केसी