बलात्कार घटनाका आरोपित गिरफ्तार

  ०७८ मङ्सिर ७ गते

३० वर्षीया महिलालाई बलात्कार गरेको आरोपमा प्रहरीले फेदाप गाउँपालिका–२ सिलगुडीका ३८ वर्षीय खगेन्द्र भण्डारीलाई मङ्सिर ६ गते गिरफ्तार गरेको छ ।

पीडितलाई आरोपितले मङ्सिर ६ गते बलात्कार गरेको आरोपमा पीडित पक्षले आरोपितविरूद्ध सोही दिन इलाका प्रहरी कार्यालय ओयाक्जुङमा उजुरी दिएको थियो ।

पीडित पक्षको उजुरीका आधारमा आरोपितलाई अनुन्धानका लागि गिरफ्तार गरेको जिल्ला प्रहरी कार्यालयका इन्स्पेक्टर कोमल ठाकुरले इन्सेक प्रतिनिधिसँगको फोन सम्पर्कमा बताउनु भयो ।

पीडितको स्वास्थ्य परीक्षण जिल्ला अस्पतालमा मङ्सिर ७ गते गरिएको छ ।


सुरेश खत्री