समाचारहरू

१४ वर्षीया बालिकालाई बलात्कार गरेको आरोपमा प्रहरीले भोजपुर नगरपालिका–१ सुर्केका २४ वर्षीय अनिल राईलाई कात्तिक ५ गते गिरफ्तार गरेको छ ।

पीडित बालिकालाई आरोपितले ०७६ भदौ ५ गते बलात्कार गरेको आरोपमा पीडित पक्षले आरोपितविरूद्ध भदौ ६ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरी लगत्तै फरार भएका आरोपितलाई दुई वर्षपछि गिरफ्तार गरिएको ज्ल्लिा प्रहरी कार्यालयका डिएसपी राजकुमार राईले इन्सेक प्रतिनिधिसँगको फोन सम्पर्कमा बताउनु भयो ।

आरोपितविरूद्ध प्रहरीले जिल्ला अदालतमा ०७६ भदौ ९ गते बलात्कार शीर्षकमा मुद्दा दर्ता गरी कारबाही अघि बढाएको डिएसपी राईले बताउनु भयो ।

पीडित बालिकाको स्वास्थ्य परीक्षण जिल्ला अस्पतालमा ०७६ भदौ ६ गते गरिएको थियो ।

गणेश विष्ट