समाचारहरू

२४ वर्षीया महिलालाई बलात्कार गरेको आरोपमा जिल्ला प्रहरी कार्यालय, सल्यानले ससुरा नातापर्ने २७ वर्षीय पुरुषलाई असोज १६ गते गिरफ्तार गरेको छ ।

कोही नभएको समयमा असोज १५ गते बिहान २ बजे घरमा आई बलात्कार गरेको भन्दै पीडित पक्षले सोही दिन जिल्ला प्रहरी कार्यालय, सल्यानमा उजुरी दिएका थिए ।

पीडितको उजुरीका आधारमा आरोपितलाई गिरफ्तार गरी हाडनाताकरणी तथा जबरजस्तीकरणी अन्तरगतको मुद्दा दर्ता गरिएको जिल्ला प्रहरी कार्यालय, सल्यानका डीएसपी गोविन्द थापाले इन्सेक प्रतिनिधिलाई जानकारी दिनुभयो ।

पीडितको स्वास्थ्य परिक्षण जिल्ला अस्पताल, सल्यानमा असोज १५ गते गरिएको अस्पतालका व्यवस्थापक दशरथ कुमार श्रेष्ठले जानकारी दिनुभयो ।

मिना बुढाथोकी