बलात्कार घटनाका आरोपित गिरफ्तार

  ०७८ साउन १२ गते

१९ वर्षीया युवतीलाई बलात्कार गरेको आरोपमा प्रहरीले माछापुच्छ्रे गाउँपालिका–२५ नयाँगाउँ घर भइ हाल पोखरा महानगरपालिका–२५ हेम्जा बस्ने ३२ वर्षीय हर्कबहादुर बिकलाई गिरफ्तार गरेको छ ।

पीडितलाई आरोपितले ललाईफकाई प्रलोभनमा पारेर साउन १० गते बलात्कार गरेको भन्दै पीडितले जिल्ला प्रहरी कार्यालय कास्कीमा सोही दिन उजुरी दिएको जिल्ला प्रहरी कार्यालय कास्कीका डिएसपी सुवास हमालले जानकारी दिनुभयो ।

पीडितको उजरीपछि आरोपितलाई साउन ११ गते गिरफ्तार गरी उनीविरुद्ध सोही दिन जिल्ला अदालत कास्कीमा जबरजस्तीकरणी कसुर शीर्षक अन्तरगत मुद्दा दर्ता गरी घटनाको अनुसन्धान भइरहेको उहाँले बताउनुभयो ।

पीडितको स्वास्थ्य परीक्षण साउन ११ गते पश्चिमाञ्चल क्षेत्रीय अस्पतालमा गरिएको छ ।


सुशन घिमिरे