समाचारहरू

११ वर्षीया बालिकालाई बलात्कार गरेको आरोपमा प्रहरीले ठोरी गाउँपालिका–५ सुवर्णपुरका ४८ वर्षीय सुनीलकुमार परियारलाई साउन १ गते गिरफ्तार गरेको छ ।

गत असार २८ गते परियारले घरमा कोही नभएको मौका छोपी बालिकालाई बलात्कार गरेको आरोप छ । घटनापछि फरार रहेका आरोपित परियारलाई गिरफ्तार गरिएको सुवर्णपुर प्रहरी चौकीका असई इन्दिबर चौधरीले बताउनु भयो ।

बलात्कारको घटनापछि पीडित बालिकाको स्वास्थ्यमा असर परेको थियो । पीडित परिवारले सोधपुछ गर्दा आरोपित परियारले बलात्कार गरेको बालिकाले बताएको पीडित परिवारले जनाएको छ ।

पीडित बालिकाको हजुरबुबाले जिल्ला प्रहरी कार्यालय पर्सामा साउन १ गते उजुरी दिनु भएको छ । पीडित बालिकाको स्वास्थ्य परीक्षण साउन १ गते बीरगञ्जको नारायणी अस्पतालमा गरिएको छ ।

कृष्णचन्द्र लामिछाने