बलात्कार घटनाका आरोपित गिरफ्तार

१५ वर्षीया बालिकालाई असार १४ गते बलात्कार गरेको अरोपमा प्रहरीले बहुदरमाई नपा–२ पिपराका २५ वर्षीय धर्मराज कानुलाई असार ३० गते गिरफ्तार गरेको छ ।

आरोपितले विवाह गर्ने र जागिर लगाइदिने प्रलोभनमा पारेर सखुवा प्रसौनी गाउँपालिका–४ मा बलात्कार गरेको पीडितको आरोप छ ।
आरोपितविरुद्ध असार ३० गते जिल्ला प्रहरी कार्यालय पर्सामा उजुरी दिएको पीडित बालिकाका बुबाले बताए ।

पीडित बालिकाको स्वास्थ्य परीक्षण असार ३० गते बीरगंजको नारायणी अस्पतालमा गरिएको छ । घटनाको थप अनुसन्धान भइरहेको जिल्ला प्रहरी कार्यालय पर्साका डिएसपी ओमप्रकाश खनालले जानकारी दिनु भयो ।


कृष्णचन्द्र लामिछाने