समाचारहरू

३९ वर्षीया महिलालाई बलात्कार गरेको आरोपमा प्रहरीले आठराई त्रिवेणी गाउँपालिका–४ का ३५ वर्षीय निम्तेन्जी शेर्पालाई  असार २९ गते गिरफ्तार गरेको छ ।

पीडितलाई आरोपितले ०७५ साउन १७ गते बलात्कार गरेको आरोपमा पीडित पक्षले आरोपितविरूद्ध सोही दिन जिल्ला प्रहरी कार्यालयमा उजुरी दिएको थियो । आरोपितलाई प्रहरीले ०७५ साउन १७ गते गिरफ्तार गरी जिल्ला अदालतमा ०७५ भदौ २४ गते बलात्कार शीर्षकमा मुद्दा दर्ता गरी कारबाही अघि बढाएको थियो ।

आरोपितविरूद्ध जिल्ला अदालतले ०७५ भदौ २४ गते ३ लाख ७८ हजार रुपियाँ धरौटी माग गरी तारेखमा रिहा गरेको थियो । तारेखमा रिहा भएका आरोपितविरूद्ध अदालतले ०७५ पुस १८ गते कसुर गरेको ठहर गर्दै २ वर्ष ६ महिना कैद सजायको फैसला गरेको थियो । तारेखमा रिहा भए लगत्तै फरार भएका आरोपितलाई ०७८ असार २९ गते गिरफ्तार गरी कारबाही अघि बढाएको जिल्ला प्रहरी कार्यालयका इन्स्पेक्टर कैलाशकुमार अधिकारीले इन्सेक प्रतिनिधिसँगको फोन सम्पर्कमा बताउनु भयो ।

पीडितको स्वास्थ्य परीक्षण जिल्ला अस्पतालमा ०७५ साउन १७ गते गरिएको थियो ।

देवराज गुरुङ