समाचारहरू

२० वर्षीया महिलालाई बलात्कार गरेको आरोपमा प्रहरीले विरुवा गाउँपालिका–४ खुदीका ६० वर्षीय दुर्गबहादुर दमैलाई गिरफ्तार गरेको छ ।

पीडितलाई आरोपितले बाख्रा चराउन गएको बेलामा पहिलोपटक ०७७ असार महिनामा र पछिल्लो पटक ०७७ माघ ४ गते बलात्कार गरेको आरोपमा पीडित पक्षले आरोपितविरुद्ध जिल्ला प्रहरी कार्यालय स्याङ्जामा जेठ १० गते मौखिक उजुरी दिएको जिल्ला प्रहरी कार्यालय स्याङ्जाका डिएसपी राजेन्द्रप्रसाद अधिकारीले इन्सेक प्रतिनिधिलाई फोन मार्फत जानकारी दिनुभयो ।

पीडित पक्षको उजुरीपछि आरोपितलाई सोही दिन गिरफ्तार गरी उनीविरुद्ध जेठ ११ गते जिल्ला अदालत स्याङ्जामा जबरजस्तीकरणी र्शीषक अन्तरगत  मुद्दा दर्ता गरी घटनाको अनुसन्धान भइरहेको डिएसपी अधिकारीले बताउनुभयो ।

पीडितले डर र त्रासको कारण घटनाको बारेमा कसैलाई नभनेको पीडित पक्षले आरोपितविरुद्ध जेठ ११ गते जिल्ला प्रहरी कार्यालय स्याङ्जामा दिएको लिखित उजुरीमा उल्लेख गरिएको उहाँले बताउनुभयो ।

पीडितको स्वास्थ्य परीक्षण जेठ ११ गते जिल्ला अस्पताल स्याङ्जामा भयो ।

तिलकुमारी थापा