समाचारहरू

१६ वर्षीया बालिकालाई बलात्कार गरेको आरोपमा प्रहरीले वालिङ नगरपालिका–६ का २१ वर्षीय गणेश विकलाई गिरफ्तार गरेको छ ।

पीडितलाई आरोपितले चैत २२ गते बलात्कार गरेको भन्दै पीडित पक्षले आरोपितविरुद्ध चैत २३ गते वडा प्रहरी कार्यालय वालिङमा उजुरी दिएका छन् ।

पीडित पक्षको सोही उजुरीका आधारमा आरोपितलाई चैत २३ गते गिरफ्तार गरेको वडा प्रहरी कार्यालय  वालिङमा इन्स्पेक्टर हरिप्रसाद पौडेलले जानकारी दिनुभयो ।

आरोपितलाई गिरफ्तार गरी घटनाको अनुसन्धान भइरहेको उहाँले बताउनुभयो ।

पीडितको स्वास्थ्य परीक्षण र उपचार चैत २४ गते पश्चिमाञ्चल क्षेत्रीय अस्पताल पोखरामा भयो ।

तिलकुमारी थापा