समाचारहरू

१३ वर्षीया बालिकालाई बलात्कार गरेको आरोपमा सिन्धुली जिल्ला डाँडाखर्क गाउँपालिका–८ घरभई हाल चाँगुनारायण नगरपालिका–८ सुडाल बस्दै आएका २० वर्षीय गणेश बोगटीलाई प्रहरीले चैत ७ गते गिरफ्तार गरेको छ ।

चाँगुनारायण नगरपालिका–९ ताथलीको बाँसको झाँङ्गमा लगेर फागुन २५ गते बालिकालाई बलात्कार गरेको भन्दै पीडित बालिकाकी आमाले आरोपित विरुद्ध प्रहरी बृत्त जगातीमा चैत ५ गते उजुरी दिनु भएको थियो ।

आरोपित बोगटीलाई सुडालबाट गिरफ्तार गरी जिल्ला अदालत भक्तपुरबाट चैत ८ गते पाँच दिन हिरासतमा राख्न म्याद लिई अनुसन्धान सुरु गरेको महानगरीय प्रहरी परिसर भक्तपुरका डिएसपी दीपक गिरीले जानकारी दिनुभयो ।

पीडितको स्वास्थ्य परीक्षण चैत ५ गते प्रसुति गृह थापाथलीमा गरिएको छ ।

रमेश गिरी