बलात्कार घटनाका आरोपित गिरफ्तार

  ०७७ फागुन १५ गते

१९ वर्षीया युवतीलाई बलात्कार गरेको आरोपमा प्रहरीले रोङ गाउँपालिका– २ का २८ वर्षीय प्रितम राईलाई गिरफ्तार गरेको छ ।

पीडित युवतीलाई आरोपितले ०५९ साउन १५ गते बलात्कार गरेको आरोपमा पीडित पक्षले आरोपित विरुद्ध साउन १७ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरी लगत्तै फरार भएका आरोपितलाई ०७७ फागुन १४ गते सुनसरी,इटहरीबाट गिरफ्तार गरेको जिल्ला प्रहरी कार्यालयका डिएसपी लालध्वज सुवेदीले इन्सेक प्रतिनिधिसँगको फोन सम्पर्कमा बताउनु भयो ।

पीडित पक्षको उजुरी लगत्तै फरार भएका आरोपितविरुद्ध प्रहरीले जिल्ला अदालतमा ०५९ भदौ १४ गते बलात्कार शीर्षकमा मुद्दा दर्ता गरी कारबाही अघि बढाएको थियो ।

जिल्ला अदालतको ०७२ जेठ २१ गतेको आदेशले आरोपितलाई पाँच वर्ष कैद सजायको फैसला सुनाएको थियो ।

पीडित युवती स्वास्थ्य परीक्षण जिल्ला अस्पतालमा ०५९ साउन १७ गते गरिएको थियो ।


कोकिला ढकाल