बलात्कार घटनाका आरोपित गिरफ्तार 

 

आठ वर्षीया एक बालिकालाई बलात्कार गरेको आरोपमा फाकफोक गाविस-४ का २२ वर्षीय कमल नेपालीलाई प्रहरीले भदौ २३ गते गिरफ्तार गरेको छ ।

पीडित बालिकालाई आरोपितले भदौ १३ गते बलात्कार गरेको आरोपमा पीडित बालिकाकी आमाले भदौ २१ गते जिल्ला प्रहरी कार्यालयमा उजुरी दिएकी थिइन् ।

पीडितका अभिभावकले दिएको उजुरीका आधारमा आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका इन्स्पेक्टर रुद्र चुडालले जानकारी दिए ।

पीडित बालिकाको स्वास्थ्य परीक्षण भदौ २१ गते जिल्ला अस्पताल इलाममा गरिएको चुडालले बताए ।


कोकिला ढकाल