समाचारहरू

१४ वर्षीया बालिकालाई बलात्कार गरेको आरोपमा प्रहरीले धादिङ,गल्छी गाउँपालिका–५ का २५ वर्षीय रामबहादुर तामाङलाई गिरफ्तार गरेको छ ।

पीडित बालिकालाई आरोपितले असोज ४ गते बलात्कार गरेको आरोपमा पीडित पक्षले आरोपितविरूद्ध असोज १० गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीपछि दूधकोशी हाईड्रो पावरमा सवारी चालकका रूपमा काम गर्ने आरोपितलाई असोज ११ गते थुलुङदूधकोशी गाउँपालिका–३ पञ्चन क्षेत्रबाट गिरफ्तार गरेको जिल्ला प्रहरी कार्यालयका इन्स्पेक्टर मन्दीप चौहानले इन्सेक प्रतिनिधिसँगको भेटमा बताउनु भयो ।

आरोपितविरूद्ध प्रहरीले असोज १० गते जिल्ला अदालतमा बलात्कार शीर्षकमा मुद्दा दर्ता गरी कारबाही अघि बढाएको इन्स्पेक्टर चौहानले बताउनु भयो ।

पीडित बालिकाको स्वास्थ्य परीक्षण जिल्ला अस्पताल फाप्लुमा असोज १० गरिएको छ ।

भोजराज कार्की