समाचारहरू

२२ वर्षीया युवतीलाई बलात्कार गरेको आरोपमा प्रहरीले थुलुङदूधकोशी गाँउपालिका–८ का ३२ वर्षीय कमल रसाईलीलाई प्रहरीले गिरफ्तार गरेको छ ।

आरोपितले ०७६ माघ २८ गते बलात्कार गरेको आरोपमा पीडित पक्षले आरोपितविरूद्ध ०७७ भदौ १३ गते प्रहरी चौकी लुक्लामा उजुरी दिएको थियो ।

पीडित पक्षको उजुरीका आधारमा आरोपितलाई भदौ १३ गते घरबाटै गिरफ्तार गरेको जिल्ला प्रहरी कार्यालयका इन्स्पेक्टर मन्दीप चौहानले इन्सेक प्रतिनिधिसँगको फोन सम्पर्कमा बताउनु भयो ।

पीडित युवतीको स्वास्थ्य परीक्षण भदौ १५ गते जिल्ला अस्पतालमा गरिएको छ । परीक्षणका क्रममा युवती गर्भवती रहेको अस्पतालले जनाएको छ ।

त्यसैगरी १६ वर्षीया बालिकालाई बलात्कार गरेको आरोपमा प्रहरीले थुलुङदूधकोशी गाँउपालिका–४ का ३१ वर्षीय विजय विश्वकर्मालाई गिरफ्तार गरेको छ ।

आरोपितले भदौ ७ गते बलात्कार गरेको आरोपमा पीडित पक्षले आरोपितविरूद्ध भदौ ११ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई भदौ ११ गते गिरफ्तार गरेको जिल्ला प्रहरी कार्यालयका इन्स्पेक्टर मन्दीप चौहानले इन्सेक प्रतिनिधिसँगको फोन सम्पर्कमा बताउनु भयो ।

पीडित बालिकाको स्वास्थ्य परीक्षण जिल्ला अस्पतालमा भदौ ११ गते गरिएको छ ।

भोजराज कार्की