समाचारहरू

बोलाई सम्बन्धी अपाङ्गता भएकी ४८ वर्षीया महिलालाई बलात्कार गरेको आरोपमा प्रहरीले हलेसी तुवाचुङ नगरपालिका–५ दुर्छिमका ४२ वर्षीय एक पुरूषलाई साउन २५ गते गिरफ्तार गरेको छ ।

आरोपितले पीडित महिलालाई ०७६ फागुन १३ गते बलात्कार गरेको आरोपमा पीडित पक्षले आरोपितविरूद्ध साउन २४ गते जिल्ला प्रहरी कार्यालयमा उजुरी दिएको थियो ।

पीडित महिला बोल्न नसक्ने भएकाले ढिलो प्रहरी पीडित पक्षले घटनाका बारेमा थाहा पाएर आरोपितविरूद्ध उजुरी दिएको र सोही उजुरीका आधारमा आरोपितलाई गिरफ्तार गरेको इन्स्पेक्टर गोविन्दप्रसाद शाहले इन्सेक प्रतिनिधिसँगको फोन सम्पर्कमा बताउनु भयो । पीडित महिला र आरोपित नाताले ज्वाई र जेठीसासु रहेको प्रहरीले जनाएको छ ।

पीडित महिलाको स्वास्थ्य परीक्षण जिल्ला अस्पतालमा साउन २४ गते गरिएको छ ।

रामधन राई