समाचारहरू

नौ वर्षीया बालिकालाई बलात्कार गरेको आरोपमा जलजला गाउँपालिका-३ का ४५ वर्षीय खेमबहादुर परियारलाई वैशाख १ गते जिल्ला प्रहरी कार्यालय, पर्वतले गिरफ्तार गरेको छ ।

पीडित बालिकालाई आरोपितले चैत ३१ गते बलत्कार गरेको भन्दै पीडित पक्षले जिल्ला प्रहरी कार्यालयमा सोही दिन उजुरी दिएको थियो ।

पीडित पक्षले चैत ३१ गते जिल्ला प्रहरी कार्यालय, म्याग्दीमा मौखिक उजुरी दिएको र म्याग्दी जिल्लाले वारदात भएको क्षेत्र पर्वत भएकोले जिल्ला प्रहरी कार्यालय पर्वत पठाएकोले सोही सूचनाका आधारमा आरोपी खेमबहादुर परियारलाई गिरफ्तार गरी आवश्यक अनुसन्धन भइरहेको बताएका छन् ।

जिल्ला प्रहरी कार्यालय, पर्वतका इन्सपेक्टर लिलाराज लामिछानेका अनुसार पीडित पक्षको मौखिक उजुरीका आधारमा अनुसन्धानका लागि आरोपितलाई गिरफ्तार गरिएको हो ।

पीडित बालिकाको स्वास्थ्य परीक्षण चैत ३१ गते नै जिल्ला प्रहरी कार्यालयम्याग्दी मार्फ् गरिएको छ । पीडित पक्षले म्याग्दी प्रहरीमा उजुरी दिएकाले पीडित बालिकाको स्वास्थ्य परीक्षण म्याग्दीमा गरिएपनि घटनास्थल पर्वत भएकाले मुद्दा भने पर्वतबाटै चलाइने प्रहरीले जनाएको छ ।

किशोर सापकोटा