बलात्कार घटनाका आरोपितविरूद्ध प्रहरीमा उजुरी

 

१५ वर्षीया बालिकालाई बलात्कार गरेको आरोपमा पीडित बालिकाका २० वर्षीय दाजुविरूद्ध जिल्ला प्रहरी कार्यालय धादिङमा साउन २० गते उजुरी दर्ता गरिएको छ ।

पीडित बालिकालाई आरोपितले पटकपटक बलात्कार गर्दै आएको र पछिल्लो पटक ०७४ चैत २७ गते बलात्कार गरेको पीडितपक्षको तर्फबाट दर्ता गराइएको उजुरीमा उल्लेख गरिएको छ ।

बलात्कारका कारण रगत बगिरहने समस्या आएपछि गजुरी उपचारका लागि पुगेकी बालिका साउन १६ गते घर पुगेपछि दाजुले घरमा कुटपिट गर्दै चिरपट प्रहार गरी घाइते बनाएका थिए । घरमै बसेकी बालिका साउन १७ गते घरबाट भागेर इलाका प्रहरी कार्यालय पुगी प्रहरीमा आफूलाई परेको समस्या सुनाएकी थिइन् ।

प्रहरीले पीडितको उजुरीका आधारमा अभियुक्तलाई साउन १८ गते गिरफ्तार गरी हिरासतमा लिएको छ । पीडित बालिकाको स्वास्थ्य परीक्षण जिल्ला अस्पतालमा साउन १८ गते गरिएको छ ।

पीडितलाई सुरक्षा आवास गृहमा राखिएको छ भने आरोपितविरूद्ध हाडनाता र जबरजस्ती करणी अन्तरगत मुद्दा चलाइने जिल्ला प्रहरी कार्यालयका डिएसपी रामबहादुर केसीले जानकारी दिए ।


सिताराम अधिकारी