समाचारहरू

१५ वर्षीया बालिकालाई ०८१ असार १२ गते बलात्कार गरेको आरोपमा पीडित पक्षले सिन्धुपाल्चोक जिल्ला जुगल गाउँपालिका–२ घर भई पनौती नगरपालिका–५ बाँसघारी कोठागरी बस्ने ४३ वर्षीय नारायण भनिने डिल्लाविक्रम लामिछानेविरूद्ध साउन २८ गते इलाका प्रहरी कार्यालय बनेपामा उजुरी दिएको छ ।

पीडित बालिकाको स्वास्थ्य परीक्षण ०८१ साउन २८ गते धुलिखेल अस्पतालमा गरिएको छ ।

१३ वर्षीया बालिकालाई यौन दुर्व्यवहार गरी आत्महत्या गर्न बाध्य बनाएको आरोपमा गिरफ्तारीमा परेका आरोपितविरूद्ध मृतक बालिकाकी दिदीले बलात्कार आरोपमा उजुरी गरेकी हुन् ।

पीडित बालिकाले साउन ११ गते झुण्डिएर आत्महत्या गरेको प्रहरीले जनायो । मृतकको शवको पोष्टमार्टम धुलिखेल अस्पतालमा साउन १२ गते गरिएको थियो ।

आरोपितलाई आत्महत्या दुरुत्साहन मुद्दामा साउन २४ गते प्रहरीले गिरफ्तार गरी अनुसन्धान गरिरहको इलाका प्रहरी कार्यालय बनेपाका डिएसपी लालध्वज सुवेदीले बताउनु भयो ।

सुमित्रा आचार्य