बलात्कार घटनाका आरोपितविरुद्ध उजुरी

१७ वर्षीया बालिकालाई बलात्कार गरेको आरोपमा कौडेना गाउँपालिका–५ मोतिपुरका २४ वर्षीय दिलिप कुमार महतोविरुद्ध जिल्ला प्रहरी कार्यालय मलंगवामा ०८० असोज १२ गते पीडित पक्षले उजुरी दिनु भएको छ ।

पीडित बालिकालाई आरोपितले असोज २ गते बलात्कार गरेको भन्दै जिल्ला प्रहरी कार्यालय मलंगवामा उजुरी दिएको पीडित बालिकाका बुबाले बताउनु भयो ।

घटनापछि आरोपित महतो फरार भएकोले खोजी कार्य भइरहेको जिल्ला प्रहरी कार्यालय मलंगवाका डिएसपी दिपेन्द्र पंजियार थारुले जानकारी दिनु भयो ।

पीडित बालिकाको स्वास्थ्य परीक्षण असोज १२ गते सर्लाही जिल्ला अस्पताल मलंगवामा भएको छ ।


बुधन साह