बलात्कार घटनाका आरोपितविरूद्ध उजुरी

 

१३ वर्षीया बालिकालाई बलात्कार गरी फरार रहेका मर्चवारी गाउँपालिका–२ अमुवाका २२ वर्षीय अर्जुन बरहीविरूद्ध पीडित पक्षले फागुन ३० गते इलाका प्रहरी कार्यालय मर्चवारमा उजुरी दिएका छन् ।

पीडितलाई आरोपितले प्रलोभन देखाएर भदौ १३ गतेदेखि पटक पटक बलात्कार गर्दे आएको र अन्तिम पटक माघ २० गते बलात्कार गरेको भन्दै पीडित पक्षले उजुरी दिएका हुन् ।

पीडित पक्षका अनुसार बलात्कारबाट बालिका गर्भवती भएको थाहा पाए पछि आरोपित फरार रहेका छन् ।

पीडित पक्षले दिएको उजुरीका आधारमा उजुरी दर्ता गरी आरोपितको खोजी कार्य भइरहेको इलाका प्रहरी कार्यालय मर्चवारका इन्स्पेक्टर दिपेश खरेललले बताउनु भयो ।

पीडितको स्वास्थ्य परीक्षण फागुन २२ गते भीम अस्पताल भैरहवामा गरिएको छ ।


रीमा बिसी