बलात्कार घटनाका आरोपितविरुद्ध उजुरी

  ०७९ भदौ १७ गते

२४ वर्षीय महिलालाई बलात्कार गरेको आरोपमा पीडितले छिपहरमाई गाउँपालिका–४ बन्जारी घर भई वीरगंज महानगरपालिका–१४ पिप्रामा डेरा गरी बस्ने २७ वर्षीय अर्जुन यादवविरुद्ध जिल्ला प्रहरी कार्यालयमा भदौ १५ गते उजुरी दिएकी छन् ।

पीडित महिलालाई आरोपित यादवले आफ्नै डेरामा राखी फागुन महिनादेखि बलात्कार गर्दै आएकोमा पछिल्लो पटक ०७९ साउन २५ गते बलात्कार गरेको पीडतले आरोप लगाएकी छिन् ।

आरोपित विरुद्ध जिल्ला प्रहरी कार्यालय पर्साले जबरजस्तीकरणी मुद्दामा अनुसन्धान सुरु गरेको जनाएको छ । बलात्कार घटनाका पीडित महिला गर्भवती छिन् ।

पीडित महिलाको स्वास्थ्य परीक्षण भदौ १५ गते वीरगंजको नारायणी अस्पतालमा गरिएको छ ।

पीडितले प्रहरीमा उजुरी दिएपछि आरोपित यादव ‘फरार’ रहेकाले खोजी कार्य भइरहेको जिल्ला प्रहरी कार्यालय पर्साका डिएसपी नविन बुढाथोकीले जानकारी दिनु भयो ।


कृष्णचन्द्र लामिछाने