बलात्कार घटनाका आरोपितविरुद्ध उजुरी दर्ता

  ०७८ फागुन १५ गते

१६ वर्षीया बालिकालाई बलात्कार गरेको भन्दै पीडित पक्षले दाङ जिल्ला घोराही उपमहानगरपालिका–२ घर भइ हाल काठमाडौ बस्ने ३२ वर्षीय पल शाह (पुर्ण विक्रम शाह) विरुद्ध इलाका प्रहरी कार्यालय गैंडाकोट नवलपरासी (बर्दघाट सुस्ता पूर्व) मा फागुन १५ गते पीडित पक्षले उजुरी दर्ता गराएको छ ।

पीडितलाई आरोपितले २०७७ चैत ७ गते गैंडाकोट स्थित एक रिर्सोटमा बलात्कार गरेको पीडित पक्षले इलाका प्रहरी कार्यालय गैंडाकोट नवलपरासी (बर्दघाट सुस्ता पूर्व) मा दिएको उजुरीमा उल्लेख रहेको इलाका प्रहरी कार्यालय गैंडाकोटका इन्स्पेक्टर लक्ष्मी पाण्डे खनालले इन्सेक प्रतिनिधिलाई जानकारी दिनुभयो ।

घटनाको अनुसन्धान भइरहेको उहाँले बताउनुभयो ।

पीडितले आरोपितविरुद्ध फागुन ११ गते जिल्ला प्रहरी कार्यालय तनहुँमा समेत उजुरी दर्ता गराएकी छिन । जिल्ला प्रहरी कार्यालय तनहुँले फरार रहेको आरोपितलाई फागुन १५ गते गिरफ्तार गरेको छ ।

पीडितको स्वास्थ्य परीक्षण फागुन १५ गते भरतपुर जिल्ला अस्पताल चितवनमा गरिएको छ ।


तिर्थराज डुम्रे