बलात्कार घटनाका आरोपितविरुद्ध प्रहरीमा उजुरी

  ०७८ भदौ १९ गते

१६ वर्षीया बालिकालाई कावासोती नगरपालिका–३ का १९ वर्षीय युवकले बलात्कार गरेको भन्दै पीडित पक्षले जिल्ला प्रहरी कार्यालय नवलपरासी (बर्दघाट सुस्ता पूर्व) मा भदौ १७ गते उजुरी दिएका छन् ।

पीडितलाई आरोपितले भदौ ८ गते पटकपटक दुर्व्यवहार गरी भिडियो बनाएको र डरधम्की देखाएर बलात्कार गरेको भन्दै पीडितकी आमाले प्रहरीमा उजुरी दर्ता गराएको जिल्ला प्रहरी कार्यालय नवलपरासी (बर्दघाट सुस्ता पूर्व) डिएसपी दिलिप कुमार गिरीले इन्सेक प्रतिनिधिलाई जानकारी दिनुभयो ।

आरोपित घटनापछि फरार रहेकाले खोजी कार्य भइरहेको र प्रहरीले घटनाको अनुसन्धान गरिरहेको उहाँले बताउनुभयो ।

पीडितको स्वास्थ्य परीक्षण भदौ १८ गते भरतपुर जिल्ला अस्पताल चितवनमा गरिएको छ ।


तिर्थराज डुम्रे