बलात्कार घटनाका आरोपितविरुद्ध उजुरी

  ०७८ असार १ गते

१७ वर्षीया बालिकालाई बलात्कार गरेको आरोपमा पीडित पक्षले सप्तरी जिल्ला खडक नपा–८ का विजयशङ्कर चौधरीविरुद्ध इलाका प्रहरी कार्यालय लहानमा जेठ ३१ गते उजुरी दिएको छ ।

पीडित बालिकालाई आरोपितले ०७७ भदौ ६ गते र ०७८ वैशाख ६ गते विवाह गर्ने प्रलोभनमा बलात्कार गरेको र विवाह नगरेपछि कारवाहीका लागि उजुरी आएको इलाका प्रहरी कार्यालय लहानका डिएसपी डाक्टर तपनकुमार दाहालले बताउनु भयो ।

पीडित बालिकाको स्वास्थ्य परीक्षण जिल्ला अस्पताल सिरहामा असार १ गते गरिएको छ ।

आरोपित फरार रहेकाले खोजी कार्य जारी राखिएको डिएसपी दाहालले बताउनु भयो ।


दुर्गा परियार