समाचारहरू

१६ वर्षीया छोरीलाई जेठ २९ गते बलात्कार गरेको आरोपमा धनगढी उपमहानगरपालिका—४ का ४० वर्षीय बुबाकाविरुद्धमा पीडित बालिकाकी आमाले दिएको उजुरी असार २ गते  जिल्ला प्रहरी कार्यालय, कैलालीले दर्ता गरिएको छ ।

छोरीलाई पटकपटक बलात्कार गरिएको भन्दै पीडित बालिकाकी आमाले जिल्ला प्रहरी कार्यालयमा पतिविरुद्ध उजुरी दिएपछि आरोपितको खोजिकार्य भइरहेको जिल्ला प्रहरी कार्यालय,कैलालीका सइ मोहनबहादुर सिंहले बताउनु भयो ।

छोरीलाई पटकपटक बलात्कार गर्दै आएका भएपनि घटना सार्वजनिक गरेमा आमाछोरीलाई नै मार्ने धम्की दइएकोले यस भन्दा अगाडी पतिकाविरुद्ध प्रहरीमा उजुरी दिन नसकेको तर यस पटक पति घरमा नभएको मौकाछोपी प्रहरीमा उजुरी दिएको पीडित बालिकाकी आमाले टेलीफोनबाट इन्सेक प्रतिनिधिलाई बताउनु भयो ।

पीडितको स्वास्थ्य परीक्षण असार २ गते सेती प्रादेशिक अस्पताल, धनगढीमा गरिएको प्रहरीले जनायो ।

मैनामोती चौधरी