बलात्कार घटनाका आरोपितविरूद्ध उजुरी दर्ता

१५ वर्षीया बालिकालाई खडग नपा–३ का ३५ वर्षीय राधेश्याम पण्डितले बलात्कार गरेको भन्दै इलाका प्रहरी कार्यालय कडरबोनाले पुस १७ गते जबरजस्ती करणीको उजुरी दर्ता गरेको छ ।

खडग नपा–३ स्थित इँटा भट्टा उद्योगमा मुन्सी (लेखापाल) पदमा कार्यरत आरोपितले बाख्रा चराउन गएकी पीडितलाई ललाई फकाई उद्योगभित्र लगी बलात्कार गरेको आरोपमा पुस १७ गते उजुरी दर्ता गरिएको इलाका प्रहरी कार्यालय कडरबोनाका इन्स्पेक्टर सुरेन्द्र श्रेष्ठले बताए ।

इन्स्पेक्टर श्रेष्ठका अनुसार ०७५ मङसिर १५ गते बलात्कारको घटना भएको भए पनि गाउँघरमा छलफल गर्दा नमिलेपछि पुस १७ गते मात्र पीडितकी आमाले उजुरी लिएर आएकी हुन् ।

लहान नपा–३ स्थित रामकुमार उमाप्रसाद शारदा स्मारक अस्पतालमा पुस १७ गते पीडितको स्वास्थ्य परीक्षण गरिएको छ ।


मनोहरकुमार पोखरेल