समाचारहरू

मिर्चैया नगरपालिका–१ की १४ वर्षीया बालिकालाई बलात्कार गरेको कसुर ठहर गर्दै जिल्ला अदालतले मिर्चैया नगरपालिका–२ का १९ वर्षीय विमलेश महरालाई १८ वर्ष कैद सजायको फैसला ०८० असार १९ गते गरेको छ ।

जिल्ला अदालतका न्याधीश लिलाराज अधिकारीको एकल इजलासले सो फैसला गरेको हो । अर्का आरोपित सोही ठाउका २४ वर्षीय सतिससकुमार साफीलाई सफाय दिने फैसला भएको छ । त्यसैगरी आत्महत्या दुरुत्साहनमा १ वर्ष कैद र १० हजार जरीवाना र दुवै सजाय बापत ६ महिना कैद भएकोमा अधिकतम सजाय बापत महरालाई १८ वर्ष ६ महिना कैद भएको हो ।

बालिकाले ०७९ असार २१ गते बलात्कार पछि आत्महत्या गरेको आरोपमा आरोपितहरू विरुद्ध इलाका प्रहरी कार्यालय मिर्चैयामा पीडित पक्षले असार २१ गते उजुरी दिएका थिए । पीडित परिवारका अनुसार असार २० गते राति आरोपितहरूले बालिकालाई बलात्कार गरेको र स्थानीयहरूले थाहा पाए पछि आरोपितहरू भागेको र बिहान असार २१ गते बालिकाले घरमै सलले पासो लगाई आत्महत्या गरकी थिइन् । शवको पोष्टमार्टम धरानस्थित विपि प्रतिष्ठानमा असार २२ गते भएको थियो ।

इलाका प्रहरी कार्यालय मिर्चैयाले आरोपित सतिशलाई असार २८ गते गिरफतार गरेको थियो । सतिश साउन २५ गते अदालतको आदेशमा पुर्पक्षका लागि थुनामा थिए । विमलेश जिल्ला अदालतमा ०७९ भदौ ८ गते हाजिर भई सोही दिन पुर्पक्षका लागि थुनामा रहेका थिए ।

दुर्गा परियार