समाचारहरू

३७ वर्षीया महिलालाई बलात्कार गरेको आरोपमा शिवपुरी गाउँपालिका–५ का ३० वर्षीय रमेश पाख्रिन र लिखु गाउँपालिका–१ का ३६ वर्षीय भुपेश घलेलाई प्रहरीले ०७७ साउन २४ गते काठमाडौँ बुढानिलकण्ठ नपा–८ बाट गिरफ्तार गरेको छ ।

पीडितलाई ०७६ चैत २ गते राती उनकै घरमा बलात्कार गरी नगद र सुनसमेत लुटेर फरार रहेका आरोपितद्वयलाई काठमाडौँबाट गिरफ्तार गरी साउन २५ गते जिल्ला अदालत पेस गरेकोमा अदालतले पुर्पक्षको लागि थुनामा पठाएको जिल्ला प्रहरी कार्यालयका इन्सपेक्टर विष्णुहरि फुयाँलले इन्सेक प्रतिनिधिलाई बताउनु भयो ।

बलात्कारको आरोमा पीडितले चैत ३ गते जिल्ला प्रहरी कार्यालयमा उजुरी दिनु भएको थियो । उहाँको सोही दिन जिल्ला अस्पतालमा स्वास्थ्य परीक्षण भएको थियो ।

नवदीप श्रेष्ठ