समाचारहरू

१२ वर्षीया बालिकालाई बलात्कार गरेको आरोपमा इन्द्रावती गाउँपालिका-११ अधिकारीटारका २३ वर्षीय सुरेश अधिकारीलाई चैत १ गते प्रहरीले गिरफ्तार गरेको छ ।

पीडित बालिकालाई आरोपितले पटकपटक बलात्कार गरेको र पछिल्लो पटक फागुन २५ गते बलात्कार गरेको पीडित पक्षको आरोप छ । यसअघि पनि पीडित बालिकालाई आरोपितले पुस २० गते पनि बलात्कार गरेको पीडित बालिकाको आरोप छ ।

पीडित पक्षले चैत १ गते जिल्ला प्रहरी कार्यालयमा उजुरी दिएपछि आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका डिएसपी श्याम अधिकारीले बताए । पीडित बालिकाको स्वास्थ्य परीक्षण चैत १ गते चौतारा अस्पतालमा गरिएको प्रहरीले जनाएको छ ।

नातिबावु धिताल