समाचारहरू

सात वर्षीया बालिकालाई बलात्कार गरेको आरोपमा प्रहरीले भारत उत्तरपदेश, रामपुर घर भई हाल धनगढी उपमहानगरपालिका—१३ मोहनपुरमा डेरा गरी बस्ने ५० वर्षीय रिजवान खानलाई चैत १४ गते गिरफ्तार गरेको छ ।

पीडित बालिकालाई आरोपितले विस्कुट खान बोलाएर कोठा भित्र लगेर बलात्कार गरेको जानकारी पाएपछि अरोपित विरुद्ध उजुरी दिएको पीडितकी आमाले इन्सेक प्रतिनिधिसँगको फोन सम्पर्कमा बताउनु भयो ।

पीडित पक्षले दिएको उजुरीका आधारमा आरोपितलाई घरबाट गिरफ्तार गरी अनुसन्धान भइरहेको जिल्ला प्रहरी कार्यालय, कैलालीका मुद्दा शाखाका सई मोहनबहादुर सिंहले बताउनु भयो ।

पीडितको स्वास्थ्य परीक्षण चैत १४ गते सेती प्रादेशिक अस्पताल, धनगढीमा गरिएको पीडित बालिकाकी आमाले बताउनु भयो ।

मैनामोती चौधरी