समाचारहरू

नौ वर्षीया बालिकालाई बलात्कार गरेको अाराेपमा प्रहरीले जनकपुर उमनपा-१७ का ६१ वर्षीय सहदेव मण्डल र ४५ वर्षीय चलित्तर मण्डललाई गिरफ्तार गरेको राससले जनाएको छ ।

पीडित बालिकालाई आरोपितद्वयले विभिन्न प्रलोभनमा पारेर पटकपटक यौनशोषण र बलात्कार गरेको आरोपमा पीडित पक्षले जिल्ला प्रहरी कार्यालय धनुषामा उजुरी दिएपछि अरोपितद्वलाई अनुसन्धानका लागि गिरफ्तार गरिएको जिल्ला प्रहरी कार्यालय धनुषाका एसपी लालमणी आचार्यले बताए ।

बालिकालाई कहिले चकलेट दिएर त, कहिले मिश्री दिने प्रलोभनमा आफ्नो घरमा बोलाइ सहदेवले यौनजन्य क्रियाकलाप गरेको र त्यसैगरी चलित्तर मण्डलले घरमै पसेर बलात्कार गरेको उजुरीमा उल्लेख छ ।

घटना भएको १४ दिनपछि प्रहरीसमक्ष उजुरी परेकाले त्यति बेला मेडिकल प्रमाणमा यौन दुर्व्यवहार भएको पाइए पनि बलात्कारका तथ्य जुटाउन गाह्रो भएको एसपी आचार्यले बताए ।

अनलाइन डेस्क