समाचारहरू

१४ वर्षीया बालिकालाई बलात्कार गरेको आरोपमा मलङ्गवा नगरपालिका–६ खुटौनाका २८ वर्षीय कलाम अन्सारीलाई जिल्ला अदालतले चैत २३ गते मुल्तबीमा राख्ने फैसला गरेको छ ।

अदालतमा ०७८ मङ्सिर २१ गते दायर भएको सो मुद्दा न्यायाधीश ध्रुवकुमार पियाको इजलासबाट मुल्तबीमा राख्ने फैसला भएको जिल्ला अदालतका स्रेस्तेदार विश्वनाथ आर्यालले जानकारी दिनु भयो ।

पीडित बालिकालाई आरोपितले ०७७ असोज १३ गते बलात्कार गरेको आरोपमा पीडित पक्षले जिल्ला प्रहरी कार्यालय मलङ्गवामा असोज १६ गते उजुरी दिएको थियो ।

पीडित बालिकाको स्वास्थ्य परीक्षण ०७७ असोज १६ गते सर्लाही जिल्ला अस्पताल मलङ्गवामा गरिएको थियो ।

जिल्ला प्रहरी कार्यालयले ०७७ असोज १६ गते उजुरी दर्ता गरेको थियो । आरोपित हालसम्म फरार रहेको जिल्ला प्रहरी कार्यालयले जानकारी दिएको छ ।

बुधन साह