समाचारहरू

अपाङ्गता भएकी १४ वर्षीया बालिकालाई बलात्कार गरेको ठहर गर्दै भैंसे गाविस-२ का ६३ वर्षीय अर्जुन भनिने भक्तबहादुर रानामगरलाई जिल्ला अदालत मकवानपुरले ११ वर्षकैद गर्ने फैसला सुनाएको छ । अदालतले पीडित बालिकालाई पीडकबाट २ लाख रुपियाँ क्षतिपूर्ति भराउन पनि आदेश दिएको छ ।

न्यायाधीश कृष्णराम कोइरालाको असोज १२ गते बसेको इजलासले बालिकालाई बलात्कार गरेको ठहर गर्दै उक्त फैसला गरेको हो ।

पीडित बालिकालाई ०७३ जेठ ५ गते बलात्कार गरेको आरोपमा रानामगरलाई प्रहरीले जेठ ७ गते गिरफ्तार गरेको थियो ।

जिल्ला अदालतको असार २ गते आदेशले रानामगरलाई पूर्पक्षका लागि भीमफेदी कारागारमा पठाइएको थियो । पीडितले ०७३ जेठ ६ गते जिल्ला प्रहरी कार्यालय हेटौंडामा उजुरी दिएकी थिइन् । पीडितको स्वास्थ्य परीक्षण हेटौंडा अस्पतालमा ०७३ जेठ ८ गते गरिएको थियो ।

प्रताप विष्ट